«ԱՊԱԳԱ» կոնսորցիումը, հիմնվելով մասնակիցների երկարամյա հաջողված ու համաձայնեցված աշխատանքի փորձի վրա, փոխշահավետ համագործակցություն է առաջարկում բնակելի տների շինարարության ոլորտում` օգտագործելով վահանաձև պանելների հավաքման տեխնոլոգիան: Նպատակին հասնելու համար սեփական զինանոցում առկա են անհրաժեշտ արտադրամասեր, սարքավորումներ, տեխնիկա և գլխավորը` արհեստավարժ մասնագետներ: «ԱՊԱԳԱ» կոնսորցիումը ստեղծվել է «Կացարան» նպատակային ծրագրի և դրա համապատասխան ենթածրագրերի իրականացման համար.

• «Երիտասարդ ընտանիքներին կացարանով ապահովելու» ենթածրագիր,
• «Սոցիալական որոշակի անապահով խմբի մարդկանց կացարանով ապահովելու» ենթածրագիր,
• «Բնակարանային շինարարության զարգացման ծրագրերի խթանման» ենթածրագիր,
• «Քաղաքացիների առանձին խմբերին բնակարանով ապահովելու» ենթածրագիր,
• «Կոմունալ ենթակառուցվածքների օբյեկտների մոդեռնիզացում» ենթածրագիր:

Ծրագիրը նպատակաուղղված է ձևավորելու էկոնոմ կարգի տների շուկա, որը մատչելի կլինի քաղաքացիների մեծ մասի համար և կվերացնի էկոլոգիական և հարմարավետ շինությունների սղությունը, կխթանի բնակտարածքների պահանջարկը և կնպաստի Հայաստանի բնակֆոնդի որակի բարձրացմանը:

Ներկայացնում ենք շինարարական ծառայությունների ողջ սպեկտրը.

• բնակելի էկոտների, քոթեջների կառուցում (1 քմ ավարտուն շինարարության արժեքը կազմում է 170 դոլար կամ 85000 դրամ, պիտանելիության և շահագործման ժամկետը՝ սկսած 25 տարուց);
• երկհարկանի չորս բնակարանանոց տների կառուցում (հարկերում օգտագործելով մեկսենյականոց բնակարանի 35-43 քմ, երկսենյականոցների` 57-66 քմ, 3 սենյականոցների` 77-90 քմ, չորս սենյականոցների` 90-100 քմ մակերեսներով նախագծեր. ավարտուն 1 քմ-ի արժեքը՝ սկսած 170 դոլար կամ 85000 դրամից, պիտանելիության և շահագործման ժամկետը՝ սկսած 25 տարուց);
• հասարակական-մշակութային շենքերի կառուցում:

Նոր սերնդի տեխնոլոգիաներով կառուցված շենքերն իրենց որակով` հաստատունությամբ, ամրությամբ, էներգախնայողությամբ ոչ միայն չեն զիջում, այլև որոշ չափանիշներով անգամ գերազանցում են ավանդական շենքերին:

Որակյալ շինարարական նյութերի լրակազմում են՝

Հիմքը.  հիմնադիր պատի բլոկներ, ցցահենարաններ;

Կրող կոնստրուկցիաները, երկրորդ հարկի ծածկեր, միջնորմներ, վահանաձև պանելներ;

Տանիքածածկը. փայտե ծպեղագերանային համակարգ, փափուկ կղմինդր;

Մուտքի դռները.  մետաղե, միջսենյակայինները`  փայտե, պատուհանները՝ մետաղապլաստե:

Վահանաձև պանելներից պատրաստի հավաքովի տներ և մշակութային-հասարակական նշանակության օբյեկտներ  կարող են առաքվել Հայաստանի ցանկացած մարզ: